Ողջ մոլորակում կրթության ոլորտը տեկտոնիկ փոփոխությունների մեջ է, եւ դա զգացվում է նաեւ մաթեմատիկայի հանդեպ հետաքրքրության պակասի եւ ուսուցման բարդությունների առկայությամբ: Մեր մասնագետների թիմը, ուսումնասիրելով աշխարհի լավագույն մաթեմատիկական ավանդույթները, ստեղծել է նոր մաթեմատիկայի դպրոց, որն անկախ սովորողի կրթական մակարդակից օգնում է հասկանալ, սովորել եւ սիրել մաթեմատիկան, եւ տալ հիմնարար գիտելիքներ ամբողջ կյանքի համար:

Ֆիբո դպրոցում ուսուցման նպատակը մաթեմատիկայի հանդեպ հետաքրքրություն ու սեր ստեղծելն է: Մենք ձգտում ենք զարգացնել մտածողությունը պարզ և հասկանալի բացատրությունների միջոցով: Մենք խրախուսում ենք աշակերտների ակտիվ մասնակցությունը և բազմազան խնդիրների լուծման ուղիների փնտրտուքը առանց ճնշման և սթրեսի միջավայրի: Ինետրակտիվ խնդիրների բազմազանությունը, նրանց մատուցման ձեւը եւ մակարդակների խորացումը ծառայում են վերը նշված նպատակներին:

Ֆիբո դպրոցի ուսուցիչներն ունեն համապատասխան փորձ և կրթություն եւ արդեն մի քանի տարի դասավանդում են հենց մեր կրթական ծրագրով: Մեր դասարանները նախատեսված են փոքր խմբերով աշխատանքի համար ինչը թույլ է տալիս հետեւել յուրաքանչյուր երեխայի առաջընթացին եւ ստեղծել բարեկամական և անվտանգ ուսումնական միջավայր:

2026ի սեպտեմբերի համար մեզ մոտ կարող են ընդունվել 2-8րդ դասարանցիները: Խմբերում սովորում 4-8 հոգի, գործում է նաեւ անհատական ուսուցում հայերեն, ռուսերեն եւ անգլերեն լեզուներով:

Ընդունվելու համար անհրաժեշտ է լրացնել դիմումի ձևը։ Մեր թիմը կկապվի ձեզ հետ և կտրամադրի մանրամասներ։ Վերջնական որոշումը կատարվում է հարցազրույցի եւ թեստի հիման վրա: